دهشتگردن جي قبضي مان وڏي مقدار ۾ هٿيار، گولا بارود ۽ ڌماڪيدار مادو به هٿ ڪيو ويو، آءِ ايس پي آر
راولپنڊي (ويب ڊيسڪ) بلوچستان جي ضلعي خضدار ۾پاڪستاني فوج 14 ۽ 15 سيپٽمبر جي وچ واري رات انٽيليجنس معلومات جي بنياد تي هڪ ڪامياب آپريشن ڪيو ۽ هندستاني حمايت يافته “فتنھ الهنڌ” جا 5 دهشتگرد مارجي ويا. آءِ ايس پي آر موجب رپورٽون مليون ھيون ته هندستاني حمايت يافته “فتنھ الهنڌ” جا دهشتگرد خضدار علائقي ۾ موجود آهن. آپريشن دورانسيڪيورٽي فورسز دهشتگردن جي لڪيل جاءِ کي مؤثر طريقي سان نشانو بڻايو ۽ فائرنگ جي سخت ڏي وٺ ۾ پنج هندستاني سرپرست دهشتگرد مارجي ويا. ماريل دهشتگرد علائقي ۾ ڪيترن ئي دهشتگرد ڪاررواين ۾ ملوث هئا، انهن جي قبضي مان وڏي مقدار ۾ هٿيار، گولا بارود ۽ ڌماڪيدار مادو پڻ هٿ ڪيو ويو. آپريشن کان پوءِ، علائقي ۾ ڪليننگ جو عمل جاري آهي ته جيئن ڪنهن به لڪيل دهشتگرد کي گرفتار يا ماريو وڃي. پاڪستاني فوج ۽ سيڪيورٽي ادارا ملڪ مان هندستان جي سرپرستي ۾ ٿيندڙ دهشتگردي کي مڪمل طور تي ختم ڪرڻ لاءِ پرعزم آهن، دهشتگردن ۽ انهن جي سهولتڪارن کي انصاف جي ڪٽهڙي ۾ آندو ويندو. وفاقي گهرو وزير محسن نقوي خضدار ۾ هندستان جي سرپرستي ۾ ٿيندڙ دهشتگردن خلاف ڪامياب آپريشن تي سيڪيورٽي فورسز جي تعريف ڪئي، هن دهشتگردن کي جهنم ۾ پهچائڻ تي سيڪيورٽي فورسز جي پيشيواراڻي صلاحيتن جي تعريف ڪئي. محسن نقوي چيو ته سيڪيورٽي فورسز هڪ ڀيرو ٻيهر هندستان جي سرپرستي ۾ ٿيندڙ دهشتگردن جي ناپاڪ ارادن کي ناڪام بڻائي ڇڏيو آهي، ۽ مان هندستان جي سرپرستي ۾ ٿيندڙ دهشتگردن کي مثالي انجام تائين پهچائڻ تي سيڪيورٽي فورسز کي خراج تحسين پيش ڪريان ٿو. گهرو وزير چيو ته قوم سيڪيورٽي فورسز سان ڪلھو ڪلھي۾ ملائي بيٺي آهي، ۽ فتنھ الھندوستان جي دهشتگردن جي مڪمل خاتمي تائين آپريشن جاري رهندو.
