لاهور: (ويب ڊيسڪ) لاهوري جي دهشتگردي جي خاتمي واري عدالت 9 مئي جي ڪيسن ۾ غير حاضر جوابدارن خلاف ڪارروائي ڪندي ٻن ڪيسن ۾ 8 جوابدارن جا گرفتاري وارنٽ جاري ڪري ڇڏيا.
دهشتگردي جي خاتمي واري عدالت جي جج منظر علي گل ڪيسن جي ٻڌڻي ڪئي ۽ غير حاضر جوابدارن خلاف ڪارروائي ڪئي.
عدالت جناح هائوس حملي ۽ عسڪري ٽاور حملي ڪيسن ۾ خديجه شاهه جا گرفتاري وارنٽ جاري ڪيا، جڏهن ته جناح هائوس حملي ڪيس ۾ جوابدار عمران ۽ فائزه عظمت جا به وارنٽ جاري ڪيا ويا آهن.
عسڪري ٽاور حملي ڪيس ۾ عثمان، احمد مرسلين، حمزه سهيل ۽ محمد خالد جا گرفتاري وارنٽ جاري ڪيا ويا آهن، ان کان علاوه عدالت ٻن جوابدارن کي اشتهاري قرار ڏيڻ جو عمل به شروع ڪري ڇڏيو آهي.
عبدالرزاق ۽ صفدر جي خلاف اشتهار جاري ڪرڻ جو حڪم جاري ڪيو ويو آهي، ٻئي جوابدار جناح هائوس حملي ڪيس ۾ نامزد آهن، گرفتاري وارنٽ جي باوجود اهي ٻئي جوابدار عدالت ۾ پيش نه ٿيا.
