ڪراچي (اسٽاف رپورٽر) ڪراچي وارا هوشيار رهن ڇو ته پهرين آڪٽوبر کان ڪراچي ۾ اي ٽڪيٽنگ سسٽم لاڳو ڪيو ويندو.
اي ٽڪيٽنگ جي حوالي سان شاهراهه فيصل تي هڪ آگاهي مهم جاري آهي، جنهن ۾ اسڪول جي ٻارن ۽ شهرين کي پمفليٽن ذريعي آگاهي ڏني پئي وڃي.
ڊي ايس پي ٽريفڪ ايڊمن ڪراچي ڪاشف نديم چيو ته اهي پهرين آڪٽوبر کان اي چالان سسٽم لاڳو ڪرڻ وارا آهن، پهرين مرحلي ۾ هي نظام اهم شاهراهن تي لاڳو ڪيو پيو وڃي، جيڪو به شخص ٽريفڪ ضابطن جي ڀڃڪڙي ڪندو، ان جو چالان ان جي گهر موڪليو ويندو ۽ ڪنهن به چالان کي ڀرڻ جو وقت 21 ڏينهن هوندو.
ڊي ايس پي ٽريفڪ ايڊمن ڪراچي ڪاشف نديم موجب جيڪو به چوڏهن ڏينهن اندر چالان جمع ڪرائيندو، ان جو چالان جو پنجاهه سيڪڙو معاف ڪيو ويندو ان سان ٽرئفڪ سسٽم ۾ وڌيڪ بهتري ايندي.
اي-ٽڪيٽنگ جي حوالي سان شهري چون ٿا ته هي هڪ تمام سٺو نظام آهي، ان سان اسان سڀ روڊن تي وقت ضايع نه ڪنداسين. اڳ ۾ ٽريفڪ پوليس ڪنهن کي به نه روڪيندي هئي، پر هاڻي جيڪو به قانون ٽوڙيندو ان جو چالان جاري ڪيو وڃي.
