نارووال: (ويب ڊيسڪل) بابا گرو نانڪ جي 486 هين ورسي جون 3 ڏينهن واريون جوتي جوت تقريبون اڄ کان شروع ٿينديون.
انتظاميا موجب، دنيا جي مختلف ملڪن ۽ پاڪستان جي مختلف شهرن مان سک زائرين جو وڏو انگ انهن تقريبن ۾ حصو وٺي رهيو آهي، جڏهن ته، هندستان پنهنجي زائرين کي ڪرتارپور ۾ جوتي جوت جي تقريب ۾ حصو وٺڻ جي اجازت نه ڏني آهي، جنهن جي ڪري ڪوريڊور بند رهندو ۽ ڪو به زائر واگها رستي ذريعي شرڪت نه ڪندو.
گياني گوبند سنگھ چيو ته ڪرتارپور گردوارو، هميشه وانگر، امن، پيار ۽ ڀائيچاري جو پيغام ڏئي ٿو ۽ اهي تقريبون هن روايت کي اڳتي وڌائڻ لاءِ منعقد ڪيون پيون وڃن.
بابا گرو نانڪ جي ورسي جي اختتامي تقريب 22 سيپٽمبر تي ٿيندي.
ان حوالي سان، اوڀر پنجاب جي وڏي وزير ڀگونت مان سنگھ پڻ مودي حڪومت تي سخت تنقيد ڪئي، پر اهو مودي حڪومت جي ڪنن تائين نه پهتو.
