اسلام آباد: (ويب ڊيسڪ) اسلام آباد جي ضلعي ۽ سيشن عدالتن پي ٽي آءِ اڳواڻن خلاف آزادي مارچ ڪيس ۾ سنڌ جي اڳوڻي گورنر عمران اسماعيل کي گرفتار ڪري پيش ڪرڻ جو حڪم ڏنو.
جوڊيشل مئجسٽريٽ مبشر حسن چشتي پاڪستان تحريڪ انصاف جي اڳواڻن خلاف آزادي مارچ ڪيس جي ٻڌڻي ڪئي. ٻڌڻي دوران عدالت گرفتاري وارنٽ جاري ڪندي عمران اسماعيل کي گرفتار ڪري عدالت ۾ پيش ڪرڻ جو حڪم ڏنو.
واضح رهي ته عمران اسماعيل بارا ڪهو پوليس اسٽيشن ۾ داخل ڪيس ۾ نامزد جوابدار آهي، جڏهن ته پي ٽي آءِ جي باني سميت ڪيترائي ٻيا اڳواڻ اڳ ئي هن ڪيس مان بري ٿي چڪا آهن.
