لاھور (ويب ڊيسڪ) لاهور جي سيشن ڪورٽ ڪاهنا ۾ پب جي راند کيڏندي پنهنجي ماءُ، ڀاءُ ۽ 2 ڀينرن کي قتل ڪرڻ جي ڪيس ۾ ڏوهاري علي زين کي 100 سال قيد جي سزا ٻڌائي.
ايڊيشنل سيشن جج رياض احمد قتل ڪيس ۾ فيصلو ٻڌايو. عدالت ڏوهه ثابت ٿيڻ تي ڏوهاري کي 100 سال قيد ۽ 40 لک رپيا جرمانو جي سزا ٻڌائي.
عدالت چيو ته جوابدار علي زين پنهنجي ماءُ، ڀيڻ ۽ ڀائرن کي قتل ڪيو. عمر جي ڪري، جوابدار کي 4 ڀيرا عمر قيد جي سزا ٻڌائي پئي وڃي.
ڪاهنا پوليس اسٽيشن 2022 ۾ ڪيس درج ڪيو، حبيب الرحمان پراسيڪيوٽر عدالت ۾ شاهدن کي پيش ڪيو.
پراسيڪيوشن چيو ته جوابدار راند کان متاثر ٿي صبح 2 وڳي گهر وارن تي فائرنگ ڪئي.
