ٺٽو: رپورٽ بلاول سمون
سنڌو درياءَ ۾ ڪوٽري ڊائون اسٽريم ۾ پاڻي 3 لک 80 ھزار ڪيوسڪ کان وڌڻ بعد سنڌو درياءَ جي ڪچي وارا ڪافي ڳوٺ دريائي پاڻي ھيٺ اچي ويا آھن، خاص طور سنڌو درياء جي دولھ درياء خان پل مٽڪا مياڻ جا 2 وڏا ڳوٺ الھڏنو ملاح ۽ يار محمد ملاح مڪمل پاڻي جي گھيري ۾ اچي ويا آھن، جن جي رھواسين پاران جانيون بچائي سنڌو درياء جي بچاء بند تي اچي پناھ ورتي اھي، پر سندن اڃان تائين ضلعي انتظاميھ ٺٽو توڙي چونڊيل نمائندن بہ ڪا پوئيواري ناھي ڪئي، جيڪي کليل آسمان ھيٺ بچاء بندن تي بک ۽ بدحالي جو شڪار بڻجي بي يارو مددگار بڻيل اھن، جن جي گھرن ۾ 4 کان 5 فوٽ پاڻي بيٺل آھي، بچاء بندن تي بي يارو مددگار بڻيل متاثر رھواسين محمد شريف ملاح، رمضان، مشتاق، پوڙھو مصطفيٰ ملاح ۽ ٻين دانھيندي چيو تہ گذريل ھڪ ھفتي کان سندن گھرن ۾ درياءَ جو پاڻي داخل ٿيڻ ڪري سمورا گھر پاڻي ھيٺ اچڻ بعد ھنن بچاء بندن تي اچي پناھ ورتي آھي، پر وٽن نہ کائنن لاء ڪجھ آھي ۽ نہ ئي اڏڻ لاء ڪا پناھ گاھ آھي، اسان ھن وقت کليل آسمان ھيٺ بي يارو مددگار بڻيل آھيون، تنبو نہ ھجڻ ڪري ھن سخت گرمي ۾ سندن ٻچا سخت پريشان ٿي رھيا آھن. سندن گھرن ۾ جيڪو ڪجھ سامان ھو اھو پاڻي جي نظر ٿي ويو اھي، جنھن ڪري کين وڏو نقصان پھتو آھي، پر سندن ڊي سي ٺٽو توڙي چونڊيل نمائندہ ڪابہ پوئيواري ڪرڻ لاء تيار ناھن، ھنن چيو تہ ضلعي انتظاميھ ٺٽو وٽ وڏي بجيٽ ھجڻ باوجود اھا متاثرين جي واھر ڪرڻ لاء تيار ناھي، جڏھن تہ درياء جي ٻئي پاسي سجاول ضلعي جي انتظاميہ اتان جي رھواسي ٻوڏ متاثرين جي ھر ممڪن مدد ڪري رھي اھي، ھنن گھر ڪئي تہ سندن پوئيواري ڪري کين تنبو، راشن، مڇردانين سميت ڊاڪٽرن جون ٽيمون موڪلي بيمار مانھن جو علاج ڪري ٿيل نقصان جو ازالو ڪرائي کين وڌيڪ پريشاني کان بچايو وڃي، ٻئي صورت ۾ سخت احتجاج ڪيو ويندو. ياد رھي تہ ھن کان اڳ ڪچي جا ڳوٺ الھجڙيو ملاح، حاجي اسماعيل اگھيم، بکر سنگھار، غازي سولنگي ۽ بيا ڳوٺ پڻ پاڻي ھيٺ اھن، جن جي بہ پوئيواري ٿي ناھي سگھي، جيڪي پڻ بچاء بندن تي بي يارو مددگار بڻجي ڪنھن مسيحا جي مدد جا منتظر آھن.
