ٽنڊو ڄام (رپورٽ: جنيد گاڏھي) ٽنڊو ڄام وارڊ نمبر 1، يوسي 64، ڪريم آباد غريب آباد جي رهواسين لاءِ چيئرمين دانش صابر قائمخاني جي خاص تعاون سان هڪ اهم قدم کنيو ويو آهي، جنهن تحت علائقي جو پراڻو گئس جو مسئلو آخرڪار حل ٿي ويو آهي.
چيئرمين دانش صابر قائمخاني ۽ سوئي سدرن گئس ڪمپني جي ايس ڊي او نور احمد جي گڏيل ڪوششن سان ڪريم آباد ۾ نئين گئس لائين وڇائڻ جو ڪم شروع ڪيو ويو آهي.
جنهن سان علائقي واسين کي جلد گئس جي باقاعده سهولت ميسر ٿيندي.
چيئرمين دانش صابر قائمخاني ميڊيا سان ڳالهائيندي چيو يو ته ڪريم آباد ۾ گذريل ڪيتري عرصي کان گئس جو شديد بحران هلي رهيو هو. ان مسئلي جي حل لاءِ علائقي جي معززن سان گڏجي سوئي سدرن گئس جي عملدارن سان ملاقاتون ڪيون ويون.
جنهن بعد لڳ ڀڳ ڏيڍ سال جي انتھڪ محنت سان هاڻي هي مسئلو حل ٿي رهيو آهي.
هن وڌيڪ چيو ته نئين گئس لائين وڇائڻ سان غريب آباد جو علائقو الڳ ٿي ويندو. جنهن سان غريب آباد ۾ به گئس جو پريشر بهتر ٿي ويندو.
نئين گئس پائپ لائين وڇائڻ جو ڪم چيئرمين دانش صابر قائمخاني، ڪائونسلر صغير قائمخاني، ڪائونسلر ذيشان قائمخاني، مرڪزي ميمبر نبي عالم شيخ، ۽ صادق قائمخاني جي نگرانيءَ ۾ تيزيءَ سان جاري آهي.
علائقي واسين پاران چيئرمين ۽ سموري ٽيم کي ان اھم قدم لاءِ واڌايون ڏنيون ويون آهن.
