ڪراچي اوڀر کان نواب علي ٻگھيو جي رپورٽ مطابق
تحريڪ لبيڪ پاڪستان پي ايس 84 پاران ذڪريا ڳوٺ ۾ محفل ميلاد ڪانفرنس جو جلسو منعقد ڪيو ويو جنهن ۾ مهمان خاص علامه فاروق الحسن قادري، علامہ مفتي محمد عمر فاروق، علامہ سلطان احمد مدني، مولانا اعجاز صديق رضا اختر، قاري محمد انور هجويري، علامہ محمد اعجاز رضوي، ولي محمد قادري رضوي سميت عالمن، مشائخن، حافطن وڏي انگ ۾شرڪت ڪئي.
ان موقعي تي مقررن خطاب ڪندي چيو ته حضور اڪرم صلي الله عليه وسلم جن جي سيرت اسان لاءِ مشعل راهه آهي پاڻ ڪريم جن جي دشمنن سان به سٺو ورتاء ڪندا هئا ۽ تلوار کڻي وڙهندڙ دشمنن کي به حضور پاڪ ٻانهون کولي ڀليڪار چيو معاف ڪرڻ سنت رسول آهي ۽ نبي پاڪ انهن کي به ٻڌندو هو جن کي ڪير به نه ٻڌندو هو باني تحريڪ لبيڪ حضرت خادم رضوي به چيو آهي ته جڏهن دين جي ڪم لاءِ نڪرو ته پنهنجي دل وڏي ڪريو.
هنن وڌيڪ چيو ته اسين پنهنجي رسول جي امت کي ڪنهن به تڪليف ۾ تنها نه ڏينداسين جڏهن سڀ کان پهريان بونير ۾ سيلاب آيو ته تحريڪ لبيڪ پاڪستان جي ساٿين راشن ۽ خيما پهچايا محدود وسيلن هوندي به ملڪ ۾ ديني جماعتون ديني ۽ سماجي ڪم ۾ مصروف آهن جيڪڏهن اقتدار مليو ته ملڪ مان ظلم، ناانصافي ۽ ڪرپشن جو خاتمو ڪري نظام مصطفي قائم ڪنداسين جنهن ۾ سڀني انسانن لاءِ مساوات ۽ اسلامي اخوت هوندي.
