آمريڪا پاران کيس ويزا فراهم ڪرڻ کان انڪار ڪرڻ کان پوءِ فلسطيني اٿارٽي جي صدر محمود عباس گڏيل قومن جي جنرل اسيمبلي کي وڊيو لنڪ ذريعي هڪ پرجوش خطاب ڪيو.
بين الاقوامي نيوز ايجنسي جي مطابق، فلسطيني اٿارٽي جي صدر محمود عباس پنهنجي تقرير ۾ اسرائيلي ظلمن، آبادڪاري جي منصوبن ۽ حماس جي حملن جي به مذمت ڪئي.
هن وڌيڪ چيو ته غزه تي اسرائيل جا حملا ۽ ناڪا بندي صرف جارحيت نه پر سنگين جنگي ڏوهه ۽ انسانيت خلاف ڏوهه آهن جيڪي انساني تاريخ جي بدترين المين ۾ شمار ڪيا ويندا.
فلسطيني صدر چيو ته غزه جا ماڻهو تقريبن 2 سالن کان نسل ڪشي، تباهي، بک ۽ جبري بي گھر ٿيڻ کي منهن ڏئي رهيا آهن. 220,000 کان وڌيڪ فلسطيني شهيد يا زخمي ٿيا آهن، جن مان گهڻا غير مسلح شهري، ٻار، عورتون ۽ بزرگ آهن.
صدر محمود عباس اسرائيلي آبادگارن جي تشدد کي دهشتگردي قرار ڏيندي چيو ته اهي آبادگار اسان جا گهر ۽ ميدان ساڙين ٿا، وڻ اُڇلين ٿا، ڳوٺن تي حملو ڪن ٿا ۽ اسرائيلي فوج جي سرپرستي هيٺ غير مسلح فلسطينين کي قتل ڪن ٿا.
فلسطيني صدر محمود عباس چيو ته غزه اسان جو هڪ لازمي حصو آهي ۽ اسان ان جي حڪمراني ۽ سيڪيورٽي جي مڪمل ذميواري کڻڻ لاءِ تيار آهيون، پر حماس جو ان ۾ ڪو به ڪردار نه هوندو.
فلسطيني اٿارٽي جي صدر محمود عباس پڻ زور ڏنو ته حماس ۽ ٻين گروهن کي پنهنجا هٿيار رکڻ گهرجن ته جيئن هڪ رياست، هڪ قانون ۽ هڪ قومي فوج جي اصولن تحت هڪ حڪومت قائم ڪري سگهجي.
هن 7 آڪٽوبر 2023 تي اسرائيل تي حماس جي حملي جي سخت مذمت ڪندي چيو ته حماس جو هي انفرادي عمل فلسطيني عوام يا آزادي لاءِ انهن جي منصفانه جدوجهد جي نمائندگي نٿو ڪري.
هن وڌيڪ چيو ته قبضو ڪيل يروشلم، هبرون ۽ غزه ۾ مسجدن، گرجا گهرن ۽ قبرستانن تي بين الاقوامي قانون ۽ تاريخي حيثيت جي واضح خلاف ورزي ڪئي وئي.
محمود عباس اسرائيلي وزيراعظم نتنياهو جي “گريٽر اسرائيل پلان” جي سڏ کي رد ڪري ڇڏيو ۽ قطر تي حملي کي “سنگين ۽ واضح خلاف ورزي” پڻ قرار ڏنو. هن چيو ته اهو اسرائيل جي توسيع پسند منصوبي جو حصو هو جيڪو نه رڳو فلسطين پر خود مختيار عرب ملڪن کي به خطرو هو.
فلسطيني صدر اسرائيلي حڪومت کي “انتهاپسند” قرار ڏنو ۽ چيو ته يهودي آبادين ۽ نون منصوبن جي توسيع ذريعي، مغربي ڪناري کي ورهائڻ ۽ يروشلم کي ان جي آس پاس جي علائقن کان الڳ ڪرڻ جي ڪوشش ڪئي پئي وڃي.
هن اسرائيل جي E1 منصوبي کي “ٻه رياستي حل جو خاتمو” قرار ڏنو.
اسرائيل کي يهودي آبادڪاري کان پاسو ڪرڻ گهرجي: محمود عباس
Subscribe
By commenting on this post, you agree to the Terms of Service. This is a written agreement that can be withdrawn when you express your consent to interact with any part of this site.
