ڪراچي اوڀر (رپورٽ نواب علي ٻگھيو) ڪينسر کان بچاء جي لاء سروائيڪل وئڪسين مهم جي حوالي سان سچل ڳوٺ جي ڊسپينسري ۾ ايم ڪيو ايم پاڪستان جي ايم پي دانيال پنهنجي نياڻي کي ساڻ ڪري سچل ڳوٺ جي ڊسپينسري ۾ ڪينسر کان بچاء جي سروائيڪل وئڪسين لڳرائي.
ان موقعي تي ڊي ايڇ او ايسٽ زاهد سولنگي چيو تـ 15 تاريخ کان 27 سيپٽمبر تائين سروائيڪل جي وئڪسين لڳرائڻ جي مھم شروع ڪئي وئي آھي ھن چيو تـ سچل ڳوٺ جي سرڪاري ڊسپينسري ۾ 9 کان 14 سالن جي عمر تائين جي نياڻين کي ايڇ پي وي يعني ڪينسر کان بچاء جي مفت سروائيڪل وئڪسين لڳائي پئي وڃي.
ھن چيو تـ اسان جو نعرو صحت مند ڌيءَ صحتمند گهراڻو آھي ان موقعي تي ايم ڪيو ايم پاڪستان جي ايم پي اي دانيال ڳالھائيندي چيو ته سڄي دنيا مان سروائيڪل وئڪسين جي ڪري ڪينسر جهڙو موذي مرض ختم ٿي ويو آهي پر بدقسمتي سان پاڪستان افغانستان ۾ سروائيڪل ويڪسين جي نـ لڳڻ سبب ڪينسر جي مرض م اضافو ٿئي ٿو،
هن چيو تـ انجيڪشن کي وفاقي منسٽر مصطفي’ ڪمال جي ڪوششن سان ويڪسينيشن مهم کي اڳتي وڌايو ويو آهي پهريان پنهنجي فئملي کان شروعات ڪئي آهي ان کي اڳتي وڌائڻ لاءِ اڄ مان سچل ڳوٺ جي هڪ ڊسپينسري ۾ پنھنجي نياڻي کي وئڪسين لڳرائي آھي ھن چيو تـ جيئن هر ماڻهو بنا ڪنھم خوف جي پنهنجي نياڻين کي ڪينسر کان بچاء جي ويڪسين لڳرائين ان موقعي تي ڊسٽرڪٽ ايسٽ پريس ڪلب جي صدر غوث ٻگھيو بـ پنھنجي نياڻي کي ڪينسر کان بچاء لاء سروائيڪل وئڪسين لڳرائي ھوڏانھن صحافين سان ڳالھائيندي ڊسٽرڪٽ ايسٽ جي ڊي ايڇ او زاهد سولنگي صحافين سان ڳالھائيندي چيو ته دنيا جي 149 ملڪن ۾ سروائيڪل وئڪسين ڪرائي وئي آهي آغا خان اسپتال نيشنل لياقت اسپتال جي رپورٽ مطابق پاڪستان ۾ هڪ مهيني ۾ پنجن هزارن کان مٿي نياڻيون هن ڪينسر جھڙي موذي مرض م مبتلا ٿين ٿيون ان ڪري پنهنجي حصي جو ڪم ڪرڻ گهرجي ۽ نياڻين کي ڪينسر کان بچاء لاء سروائيڪل وئڪسين ڪرائين.
