حیدرآباد (رپورٽ فياض ڇلگري) يُوسي 96 جي چيئرمين حق نواز ميرجت جي هدايت تي عملدارن ۽ ورڪرن فوري طور تي گوٺ ميرا بخش ڇلگري ۾ پاڻي بيٺل جڳهن جو جائزو ورتو. ڳوٺاڻن جو چوڻ آهي ته برسات کان پوءِ ڪيترن ڏينهن تائين رستن تي پاڻي بيٺل هو، جنهن سبب ٻارڙن، عورتن ۽ بزرگن کي اچڻ وڃڻ ۾ تمام تڪليف ٿي رهي هئي.
چيئرمين حق نواز ميرجت ميڊيا سان ڳالهائيندي چيو ته عوامي مسئلا حل ڪرڻ سندس پهرين ترجيح آهي، برساتي پاڻي نيڪال لاءِ هر ممڪن قدم کنيا ويندا. هن وڌيڪ چيو ته گوٺ ميرا بخش ڇلگري ۽ يوسي 96 جي ٻين علائقن ۾ به صفائي ۽ نيڪال جا ڪم جاري رکيا ويندا ته جيئن ماڻهن کي وڌيڪ تڪليف نه ٿئي.
عوام اميد ظاهر ڪئي آهي ته اهڙي ئي رفتار سان مسئلا حل ڪيا ويا ته يوسي 96 جا ڳوٺ گهڻي حد تائين بهتري ڏانهن وڌندا.
