حيدرآباد ( رپورٽ فياض ڇلگري)
جسقم شهيد بشير خان جي مرڪزي سڏ تي ضلعي حيدرآباد جي چيف آرگنائيزر لياقت ملاح جي اڳواڻي ۾ جساف چيف آرگنائيزر حنان عباسي، ضلعي نوابشاهه جي چيف آرگنائيزر سيد ناصر حسين شاه، سيف مستوئي ۽ ٻين قومي ڪارڪنن جي گرفتاري خلاف سيري اسٽاپ تي شاندار احتجاجي مظاهرو ڪيو ويو.
مظاهرئي ۾ وڏي انگ ۾ قومي ڪارڪنن شرڪت ڪري گرفتارن ڪارڪنن جي فوري آزادي جو مطالبو ڪيو. صوفي شاھجھان ملاح، اي بي سنڌي، موسا حاجاڻو سميت ٻين اڳواڻن خطاب ڪندي چيو ته قومي جدوجهد کي ڪو به جبر ۽ ظلم دٻائي نه ٿو سگهي. اڳواڻن وڌيڪ چيو ته ڪارڪنن جي گرفتاري سان تحريڪ وڌيڪ مضبوط ٿيندي.
هنن خبردار ڪيو ته جيڪڏهن گرفتار قومي ڪارڪنن کي آزاد نه ڪيو ويو ته احتجاج جو دائرو وڌايو ويندو.
