لاهور(ويب ڊيسڪ) پاڪستان فوج جي انٽر سروسز پبلڪ رليشنز (آءِ ايس پي آر) جي ڊائريڪٽر جنرل (ڊي جي) ليفٽيننٽ جنرل احمد شريف چوڌري چيو آهي ته پاڪستان فوج ملڪ جي اندروني امن سان گڏ اسلامي دنيا جي مسئلن تي به نظر رکي رهي آهي.
پاڪستان فوج جي ترجمان ليفٽيننٽ جنرل احمد شريف چوڌري جامعہ عروة الوثقة لاهور جو دورو ڪيو جتي هن علامه سيد جواد نقوي ۽ شاگردن سان ملاقات ڪئي.
ان موقعي تي نوجوانن کي خطاب ڪندي ڊي جي آءِ ايس پي آر چيو ته پاڪستان جو مستقبل نوجوان آهن ۽ ملڪ جي ترقي ۽ استحڪام لاءِ انهن جو ڪردار بنيادي اهميت جو حامل آهي.
ڊي جي آءِ ايس پي آر چيو ته پاڪستان فوج هر دور ۾ ملڪ جي دفاع جي ذميواري پوري ڪئي آهي.
آپريشن بنيان مرس جو حوالو ڏيندي هن چيو ته هن آپريشن پاڪستان جي ساک کي مضبوط ڪيو ۽ عالمي سطح تي ملڪ جي وقار کي وڌايو.
شاگردن هن موقعي تي مختلف معاملن تي سوال پڇيا ۽ ڊي جي آءِ ايس پي آر تفصيلي بحث ڪيو ۽ چيو ته پاڪستان فوج ملڪ جي اندروني امن سان گڏ اسلامي دنيا جي مسئلن تي به نظر رکي رهي آهي ۽ قومي اتحاد لاءِ هر سطح تي پنهنجو ڪردار ادا ڪري رهي آهي.
شاگردن فوج جي ڪردار جي تعريف ڪندي چيو ته هن سيشن انهن جا شڪ دور ڪيا آهن ۽ اهي منفي پروپيگنڊا کي رد ڪن ٿا ۽ پنهنجي عزم جو اظهار ڪيو ته پوري قوم پنهنجي فوج سان گڏ بيٺي آهي.
