ڪراچي (ويب ڊيسڪ) برازيل ۾ هڪ ننڍڙو سنگل انجن جهاز ڪري تباهه ٿي ويو، جنهن ۾ سوار سڀئي مارجي ويا.
بين الاقوامي خبرن جي ايجنسي موجب، برازيل ۾ هڪ ننڍڙو سنگل انجن جهاز چار مسافرن سان اڏام ڪئي.
مسافرن ۾ پائلٽ، ٻه برازيلي فلمساز، ليوس فيراز ۽ رابن ڪرسپم جونيئر، ۽ 62 سالن جو چيني معمار يو ڪونگجيان شامل هئا.
ٽيم هڪ منصوبي لاءِ هڪ ننڍڙي خانگي جهاز ۾ سفر ڪري رهي هئي.
جهاز جو اڏام کان ٿوري دير بعد هوائي ڪنٽرول روم سان رابطو ڪٽجي ويو، جنهن کان پوءِ ڳولا جو آپريشن شروع ڪيو ويو.
جهاز جو سڙيل ملبو پيراگوئي ۽ بوليويا جي سرحد ويجهو مليو. جهاز ۾ سوار سڀئي مسافر موقعي تي ئي فوت ٿي ويا.
برازيل جي صدر لولا ڊي سلوا حادثي ۾ قيمتي جانين جي نقصان تي ڏک جو اظهار ڪيو ۽ چيو ته اسان پنهنجي شعبي ۾ ذهين ۽ ماهر ماڻهن کي وڃائي ڇڏيو آهي.
