اسلام آباد (ويب ڊيسڪ) وزيراعظم ملائيشيا کي پاڪستاني گوشت گھرائڻ ڪرڻ لاءِ ايڪشن پلان تيار ڪرڻ جي هدايت ڪئي آهي.
وزيراعظم محمد شهباز شريف نيويارڪ کان وڊيو لنڪ ذريعي پاڪستان ۽ ملائيشيا جي وچ ۾ واپار کي فروغ ڏيڻ بابت اجلاس جي صدارت ڪئي.
وزيراعظم چيو ته پاڪستان ۽ ملائيشيا جي وچ ۾ ڏهاڪن تي ٻڌل ڀائپي وارا لاڳاپا آهن، ملائيشيا هر ڏکئي وقت ۾ پاڪستان جي مدد ڪئي آهي، جنهن کي پاڪستان قدر ڪري ٿو، ۽ پاڪستان-ملائيشيا واپار ۾ وڏي صلاحيت آهي، جنهن مان ڀرپور فائدو حاصل ڪرڻ لاءِ قدم کنيا پيا وڃن.
وزيراعظم هدايت ڪئي ته لاڳاپيل ادارا ملائيشيا کي پاڪستاني گوشت برآمد ڪرڻ لاءِ هڪ قابل عمل ۽ ٺوس منصوبو تيار ڪن.
اجلاس ۾ پاڪستان ۽ ملائيشيا جي وچ ۾ واپاري لاڳاپن جو تفصيلي جائزو ورتو ويو. اجلاس ۾ وزيراعظم کي ملائيشيا ۾ پاڪستاني برآمدي صلاحيت بابت تفصيلي بريفنگ ڏني وئي.
وزيراعظم هدايت ڪئي ته ملائيشيا-پاڪستان واپار، خاص طور تي ملائيشيا کي پاڪستاني گوشت جي برآمد بابت هڪ ٺوس ايڪشن پلان تيار ڪيو وڃي ۽ پيش ڪيو وڃي.
