پاڪستان ۽ ڀارت اڄ فائنل ۾ هڪ ٻئي سان آمهون سامهون ٿيندا، ايشيا ڪپ جي تاريخ جي سڀ کان وڏي مقابلي ۾.
هندستاني ٽيم موجوده ايونٽ ۾ هاڻي تائين ناقابل شڪست آهي ۽ گروپ ۽ سپر فور مرحلن ۾ به پاڪستان ٽيم کي شڪست ڏني آهي.
بهرحال، هندستاني ميڊيا جي رپورٽن موجب، هندستاني ٽيم جي ٻن اهم رانديگرن، اڀيشڪ شرما ۽ آل رائونڊر هاردڪ پانڊيا جي فائنل ۾ شرڪت شڪي آهي.
هندستان جي بالنگ ڪوچ پانڊيا ۽ اڀيشڪ شرما جي فٽنيس بابت سخت خدشن جو اظهار ڪيو آهي.
هندستاني بالر هاردڪ پانڊيا سريلنڪا خلاف پهريون اوور بال ڪرڻ کان پوءِ هيمسٽرنگ جي زخم جو شڪار ٿيو هو ۽ پوءِ پوري ميچ لاءِ واپس نه آيو.
ٻئي طرف، اڀيشڪ شرما سريلنڪا خلاف ميچ ۾ به ڪافي وقت تائين ميدان کان ٻاهر رهيو.
بالنگ ڪوچ چيو ته هاردڪ پانڊيا ۽ اڀيشڪ شرما جي زخمن جو جائزو اڄ رات ۽ اڄ صبح جو ورتو ويندو.
