پاڪستاني شوبز جي ڊرامن ۾ ڪم ڪندڙ پهرين ڀارتي ٽي وي اداڪاره جو اعزاز ماڻيندڙ ساره خان شادي جي ٻندڻ ۾ ٻڌجي وئي آهي.
ساره خان انسٽاگرام تي پنهنجي مداحن سان خوشخبري ونڊي ته هوءَ اداڪار ۽ پروڊيوسر ڪرِش پاٺڪ سان ٻي شادي ڪري چڪي آهي. ڪرش پاٺڪ ساره کان عمر ۾ 4 سال ننڍو آهي، جڏهن ته ساره خان جي عمر 36 سال آهي.
ساره خان جي پهرين شادي 2010ع ۾ مشهور ريئلٽي شو بگ باس جي ساٿي اداڪار علي مرچنٽ سان ٿي هئي، جيڪا ڪجهه وقت بعد ختم ٿي وئي. هاڻ 15 سال بعد ساره خان ٻيهر شادي ڪئي آهي.
ياد رهي ته ساره خان اها پهرين ڀارتي اداڪاره آهي، جنهن پاڪستاني ڊرامن ۾ اداڪاري ڪئي. هن 2016ع ۾ ڊرامو بي خودي، 2017ع ۾ ليڪن، ۽ يه ڪي سي محبت هي سميت ٽيلي فلم تجهي سي هي رابطا ۾ به ڪم ڪيو. سندس اداڪاري کي پاڪستاني ناظرين طرفان پسند ڪيو ويو هو.
