ممبئي (شوبز ڊيسڪ) بالي ووڊ جي مشهور اداڪار بوبي ديول پنهنجي پٽن آريامن ۽ ڌرم ديول جي مستقبل بابت ڳالهائيندي چيو آهي ته ٻئي نوجوان اداڪاري جي شعبي ۾ قدم رکڻ جا خواهشمند آهن.
هڪ تازو انٽرويو ۾ بوبي ديول ٻڌايو ته سندس وڏو پٽ آريامن ديول بالي ووڊ ۾ محنت ۽ عزم سان پنهنجو مقام ٺاهڻ چاهي ٿو. هن چيو ته، “مان پنهنجي پٽن کي هميشه چوندو آهيان ته ڪاميابي راتين رات نه ايندي آهي، اها سخت محنت سان حاصل ٿيندي آهي.”
بوبي ديول جو چوڻ هو ته سندس زال تانيا ديول هميشه سندس سڀ کان وڏو سهارو رهي آهي. آريامن هن وقت اداڪاري جي تربيت حاصل ڪري رهيو آهي ۽ جلد فلمي دنيا ۾ قدم رکڻ جي تياري ڪري رهيو آهي.
واضح رهي ته بوبي ديول هن وقت فلم “بندر” ۽ “الفا“ سميت ڪيترن ئي نون پروجيڪٽس تي ڪم ڪري رهيو آهي، جڏهن ته فلم انيمل ۾ سندس منفي ڪردار کي تمام گهڻي ساراهه ملي آهي.
