گذريل رات دير سان افغانستان طرفان پاڪ-افغان سرحد جي مختلف علائقن تي بلااشتعال فائرنگ ڪئي وئي، جنهن جي جواب ۾ پاڪ فوج طرفان سخت ۽ مؤثر ڪارروائي ڪئي وئي، جنهن دوران فتنہ الخوارج جو مرڪز مڪمل طور تي تباهه ڪيو ويو
جوابي ڪارروائي جا تفصيل
سڪيورٽي ذريعن موجب، پاڪستاني فورسز طرفان ڀاري هٿيارن سان افغانستان خلاف جوابي ڪارروائي ڪئي وئي، جنهن دوران ڪيتريون ئي چيڪ پوسٽون تباهه ڪيون ويون. ان ڪارروائي ۾ درجنين خوارجي ۽ افغان فوجي مارجي ويا، جڏهن ته باقي لاشون ڇڏي فرار ٿي ويا.
فتنہ الخوارج جو مرڪز – کُرچر فورٽ
سڪيورٽي ذريعن موجب، پاڪ فوج کي ڪارروائي دوران هڪ وڏي ڪاميابي حاصل ٿي، جتي فتنہ الخوارج جو مرڪز، کُرچر فورٽ، مڪمل طور تي مليا ميٽ ڪيو ويو. هي فورٽ فتنہ الخوارج جي مرڪزي آماجگاهه هئي، جتان اهي پاڪستان خلاف مذموم ڪارروايون ڪندا هئا.
مؤثر فائرنگ سان تباهي
ذريعن جو چوڻ آهي ته خارجي دهشتگردن ۽ افغان فورسز خلاف هڪ ٻي وڏي ڪاميابي حاصل ڪئي وئي، جتي مؤثر فائرنگ ذريعي کُرچر فورٽ کي مڪمل طور تباهه ڪيو ويو. هي ڪارروائي پاڪ فوج جي اعليٰ حڪمت عملي ۽ جنگي مهارت جو مظاهرو آهي، جنهن سان دشمن جي اهم مرڪز کي ختم ڪيو ويو.
