اسلام آباد: وزيراعظم محمد شهباز شريف چيو آهي ته فيلڊ مارشل سيد عاصم منير جي بيباڪ قيادت هيٺ پاڪ فوج افغانستان جي اشتعال انگيزي جو نه صرف ڀرپور جواب ڏنو، پر انهن جون ڪيترائي پوسٽون تباهه ڪري، افغان فورسز کي پسپائي تي مجبور ڪيو.
وزيراعظم پنهنجي بيان ۾ افغانستان طرفان پاڪستان جي سرحدي علائقن ۾ اشتعال انگيزي جي سخت مذمت ڪندي چيو ته پاڪ فوج طرفان ڏنل مؤثر ۽ بروقت جواب قابلِ تحسين آهي. هن پاڪ فوج جي بهادري ۽ پيشه ورانه صلاحيتن کي ساراهيندي چيو ته پاڪستان جي دفاع تي ڪڏهن به سمجھوتو نه ٿيندو، ۽ هر قسم جي جارحيت جو سخت جواب ڏنو ويندو.
وزيراعظم چيو ته ملڪ جو دفاع مضبوط هٿن ۾ آهي، ۽ اسان ملڪ جي هر انچ جو دفاع ڪرڻ ڄاڻون ٿا. پاڪ فوج هميشه هر قسم جي بيروني جارحيت جو منھ توڙ جواب ڏنو آهي، ۽ سڄي قوم پنهنجي سڪيورٽي فورسز سان گڏ بيٺل آهي.
وزيراعظم ياد ڏياريندي چيو ته پاڪستان ڪيترائي ڀيرا افغانستان کي فتنہ الخوارج ۽ فتنہ الہندوستان جهڙن دهشتگرد عنصرن بابت معلومات مهيا ڪئي آهي، جيڪي افغانستان جي زمين مان پاڪستان خلاف ڪارروايون ڪري رهيا آهن.
هن چيو ته انهن دهشتگرد تنظيمون کي افغانستان ۾ موجود عنصرن جي حمايت حاصل آهي، ۽ پاڪستان اميد ڪري ٿو ته افغان نگران حڪومت ان ڳالهه کي يقيني بڻائيندي ته ان جي زمين پاڪستان خلاف دهشتگرد عنصرن جي استعمال ۾ نه اچي.
