نو مئي جي ڪيس ۾ شاهه محمود قريشي جي بريت، لاهور هاءِ ڪورٽ ۾ چئلين

لاهور (ويب ڊيسڪ) پاڪستان تحريڪ انصاف جي اڳواڻ ۽ اڳوڻي پرڏيهي وزير شاهه محمود قريشي جي 9 مئي جي ڪيس ۾ بريت کي لاهور هاءِ ڪورٽ ۾ چئلينج ڪيو ويو آهي.

پراسڪييوشن طرفان داخل ڪيل اپيل ۾ موقف اختيار ڪيو ويو آهي ته ٽرائل ڪورٽ شاهه محمود قريشي کي حقيقتن جي ابتڙ بري ڪيو، ۽ عدالت مڪمل ثبوتن جو صحيح جائزو نه ورتو.

درخواست ۾ عدالت کان اپيل ڪئي وئي آهي ته بريت واري فيصلي کي ڪالعدم قرار ڏنو وڃي، ته جيئن ڪيس جي ٻيهر ٻڌڻي ممڪن بڻجي سگهي.

واضح رهي ته شاهه محمود قريشي کي 9 مئي 2023 جي پرتشدد واقعن سان لاڳاپيل ڪيسن مان ٽرائل ڪورٽ بري قرار ڏنو هو، جنهن خلاف هاڻي اعليٰ عدالت ۾ قانوني ڪارروائي جاري آهي.