لاهور (شوبز نيوز) پاڪستاني اداڪارا سعيده امتياز هڪ نجي ٽي وي پروگرام ۾ شرڪت دوران چيو آهي ته پاڪستاني مردن جي اڪثريت بي وفا آهي، ان ڪري هوءَ شادي ڪنهن غير ملڪي شخص سان ڪرڻ کي ترجيح ڏيندي.
سعيده امتياز جو چوڻ هو ته، “ارينج ميئرج مون لاءِ خوفناڪ آهي، شادي لاءِ ٻن ماڻهن ۾ هم آهنگي ضروري آهي، مان لو پلس ارينج ميئرج کي ترجيح ڏينديس.” هن واضح طور تي چيو ته سندس خواهش آهي ته شادي پاڪستاني مرد سان نه پر غير ملڪي سان ٿئي.
اداکارا موجب، ٻين ملڪن جي مردن ۾ بي وفائي گهٽ ڏسڻ ۾ اچي ٿي، جڏهن ته پاڪستاني مرد وفاداريءَ جي لحاظ کان ڪمزور آهن. هن ٻڌايو ته سندس ڀائر ۽ ڀينرون نيويارڪ ۾ رهن ٿا، جتي هڪ شادي سان ٻي شادي جي اجازت ناهي.
سعيده امتياز وڌيڪ چيو ته، “مون اهڙيون ڪهاڻيون به ٻڌيون آهن جتي هڪ ڀيڻ پنهنجي ڀيڻ جي منگيتر سان شادي ڪري ورتي.” ان ڪري هن تجويز ڏني ته لڙڪين کي شادي شده مردن بدران ڪنوارن سان تعلق رکڻ گهرجي، ته جيئن ٻين عورتن جو گهر خراب نه ٿئي.
هن اهو به چيو ته، “جيڪڏهن ڪو شادي شده مرد مون کي پيغام موڪلي ٿو، ته مان ان کي جواب ڏيندي چوان ٿي ته مان هي اسڪرين شاٽس توهان جي زال کي موڪلينديس.” هن دعويٰ ڪئي ته اهڙي ردعمل کانپوءِ اهي مرد ڊڄي وڃن ٿا.
