مالاڪنڊ: سوات ايڪسپريس وي تي هڪ المناڪ حادثي دوران خانہ بدوشن سان ڀريل ٽرڪ تيز رفتاري سبب الٽي ٿي کاهيءَ ۾ ڪري پئي، جنهن جي نتيجي ۾ 15 ڄڻا فوت ۽ 8 زخمي ٿي پيا.
ريسڪيو اختيارين موجب، حادثو مالاڪنڊ جي علائقي ۾ پيش آيو، جتي ٽرڪ تيز رفتاري سبب ڪنٽرول وڃائي ويئي ۽ کاهيءَ ۾ ڪري پئي. فوت ۽ زخمي ٿيندڙن جو تعلق سوات جي بحرين علائقي سان ٻڌايو ويو آهي.
ڊپٽي ڪمشنر مالاڪنڊ محمد فياض موجب، فوت ٿيندڙن ۾ گهڻا ٻار شامل آهن، جنهن سبب علائقي ۾ سوڳ جي فضا ڇانيل آهي.
زخمين کي ويجهي اسپتال منتقل ڪيو ويو آهي، جتي انهن جو علاج جاري آهي. انتظاميا حادثي جي جاچ شروع ڪري ڇڏي آهي ته جيئن مستقبل ۾ اهڙن واقعات کان بچاءُ لاءِ قدم کنيا وڃن.
