ممبئي: بالي ووڊ جي مشهور اداڪاره دپيڪا پڊوڪون ٽيڪنالاجي ڪمپني ميٽا جي اي آئي ايپ لاءِ نئين آواز بڻجي وئي آهي، جنهن سان هاڻ مداح انگريزي ۾ دپيڪا جي آواز سان چيٽ ڪري سگهن ٿا.
دپيڪا پڊوڪون انسٽاگرام تي هڪ وڊيو شيئر ڪندي اعلان ڪيو ته هوءَ Meta AI جو حصو بڻجي چڪي آهي. وڊيو ۾ اداڪاره کي اسٽوڊيو ۾ پنهنجي آواز رڪارڊ ڪرائيندي ڏسي سگهجي ٿو، جيڪا هاڻ AI ورزن طور استعمال ٿيندي.
اداڪاره ٻڌايو ته هوءَ ڀارت، آمريڪا، ڪينيڊا، برطانيا، آسٽريليا ۽ نيوزي لينڊ ۾ Meta AI جي نئين آواز طور موجود هوندي، جتي صارفين انگريزي ۾ سندس آواز سان ڳالهه ٻولهه ڪري سگهن ٿا.
دپيڪا پڊوڪون جو هي قدم نه رڳو ٽيڪنالاجي جي دنيا ۾ هڪ نئون موڙ آهي، پر مداحن لاءِ به هڪ دلچسپ موقعو آهي ته هو پنهنجي پسنديده اداڪاره جي آواز سان AI ذريعي رابطو ڪري سگهن.
