جهانيا (ويب ڊيسڪ) وزيراعظم شهباز شريف چيو آهي ته الله پاڪ پاڪستان کي چار ڏينهن جي جنگ ۾ عظيم فتح عطا فرمائي، جنهن جي زخم مان ڀارت قيامت تائين نه نڪري سگهندو.
جهانيا ۾ قومي اسيمبلي جي رڪن افتخار نذير جي رهائشگاهه تي سياسي اڳواڻن سان ملاقات دوران وزيراعظم چيو ته پاڪستان معاشي ۽ دفاعي ميدانن ۾ نمايان ڪاميابيون حاصل ڪيون آهن. هن چيو ته گذريل ڏيڍ سال ۾ ملڪ ديواليا ٿيڻ جي خطري مان ٻاهر نڪري آيو ۽ ڪجهه مهينا اڳ الله پاڪ پاڪستان کي جنگي ميدان ۾ به عظيم فتح سان نوازيو.
وزيراعظم جو چوڻ هو ته چار ڏينهن جي جنگ ۾ پاڪستان جي ٽنهي فوجن تاريخ رقم ڪئي، فِيلڊ مارشل جنگ کي فرنٽ تان ليڊ ڪيو، ۽ ڀارت اها شڪست ڪڏهن به وساري نه سگهندو.
هن وڌيڪ چيو ته مريم نواز ۽ سندن ٽيم عوام جي خدمت ۽ خلوص جي اعليٰ مثال قائم ڪئي آهي، جيڪا قابلِ تحسين آهي.
