لنڊن: هڪ تازي سائنسي تحقيق مان ظاهر ٿيو آهي ته وڏي عمر ۾ پيءُ بڻجڻ سان ٻار جي صحت تي منفي اثر پئجي سگهن ٿا، خاص طور تي جيني تبديليون (مييوٽيشنز) ٻار ۾ سنگين بيمارين جو سبب بڻجي سگهن ٿيون.
برطانيا جي محققن طرفان نيچر نالي سائنسي جريد ۾ شايع ٿيل تحقيق ۾ 24 کان 75 سال جي عمر وارن 81 صحتمند مردن جي نطفن (سپرم) جو تجزيو ڪيو ويو. نتيجن مان معلوم ٿيو ته عمر وڌڻ سان مردن جي نطفن ۾ بيماري پيدا ڪندڙ جيني تبديليون وڌن ٿيون.
تحقيق جا اهم انڪشاف:
- نطفن ۾ تبديليون عمر سان گڏ وڌن ٿيون:
- 30 سال جي عمر تائين: تقريباً 2% نطفا بيماري پيدا ڪندڙ تبديليون کڻي هلن ٿا.
- 43 کان 58 سال: شرح 3% تائين وڌي ٿي.
- 59 کان 74 سال: شرح 5% تائين پهچي ٿي.
- 70 سال جي عمر: تبديليءَ واري نطفن جو تناسب 4.5% ڏٺو ويو.
-
خطرناڪ اثرات:
- هي تبديليون “خود غرض نطفا” پيدا ڪن ٿيون، جيڪي عام نطفن جي مقابلي ۾ تيزيءَ سان وڌن ٿا.
- انهن تبديليءَ وارن جينز جو تعلق آٽزم، Apert syndrome، ۽ Coonanello syndrome جهڙين بيمارين سان آهي.
- عمر جي اثرات عورتن ۽ مردن تي مختلف:
- تحقيق مان ظاهر ٿيو ته عورتن جي بيضه داني عمر جي اثرن کان محفوظ رهي ٿي، جڏهنتہ مردن جي نطفا وقت سان مييوٽيشنز جو شڪار ٿين ٿا.
- سماجي تبديليون:
- دير سان شادي ۽ دير سان ٻار پيدا ڪرڻ جو رجحان وڌي رهيو آهي. 1972ع ۾ 40 سال کان پوءِ پيءُ بڻجڻ جو تناسب 4.1% هو، جيڪو 2015ع ۾ 8.9% تائين پهچي ويو.
- آٽزم جو خطرو:
- 2024ع جي تجزيي موجب، 40 سال کان مٿي عمر وارن پيءُ جي ٻارن ۾ آٽزم جي تشخيص جو امڪان 30 سال جي پيءُ جي ٻارن جي ڀيٽ ۾ 51% وڌيڪ هو.
ماهرن جي راءِ:
ويلڪم سنجر انسٽيٽيوٽ جي ڊائريڪٽر پروفيسر ميٽ هرلس چيو ته، “اسان جي دريافتن مان ظاهر ٿئي ٿو ته والدين جي عمر سان گڏ هڪ لڪل جيني خطرو وڌي ٿو، جيڪو ٻارن تائين منتقل ٿي سگهي ٿو.”
ماهرن جو چوڻ آهي ته جيئنتہ عمر سان نطفن ۾ نقصانڪار تبديليون وڌن ٿيون، ان ڪري وڏي عمر ۾ والد بڻجڻ جي منصوبابندي ڪندڙن کي انهن خطرن کان آگاهه هجڻ گهرجي. اگرچه هر تبديلي حمل جو سبب نه بڻجي ٿي، پر انهن مان ڪجهه حمل کي روڪي سگهن ٿيون يا اسقاط حمل جو سبب بڻجي سگهن ٿيون.
