ممبئي (شوبز نيوز) ڀارتي گلوڪار لڪي علي طرفان ناليواري ليکڪ ۽ نغمه نگار جاويد اختر جي تازي تڪراري بيان تي سخت ردعمل ڏنو ويو آهي، جنهن سوشل ميڊيا تي تيزي سان وائرل ٿي رهيو آهي.
ڀارتي ميڊيا موجب، جاويد اختر جي هڪ وڊيو سامهون آئي آهي، جنهن ۾ هو فلم شعلے جي حوالي سان ڳالهائيندي موجوده مذهبي رجحانن تي تبصرو ڪري رهيا هئا. وڊيو ۾ جاويد اختر چيو ته فلم جي رليز وقت ماڻهو اڄ وانگر مذهبي نه هئا، ۽ هاڻ اهڙا مڪالمه لکڻ ممڪن نه رهيا آهن.
هن دوران جاويد اختر هڪ تقريب جو حوالو ڏيندي چيو: “مون راجو هيراني کي چيو ته مسلمانن وانگر نه بڻ، انهن کي پنهنجو جهڙو بڻاءِ، الميو آهي ته تون انهن جهڙو بڻجي رهيو آهين.”
ان بيان تي سوشل ميڊيا تي سخت تنقيد ٿي، جتي صارفين جاويد اختر کي نشانو بڻايو. لڪي علي پڻ ايڪس (سابق ٽوئٽر) تي تبصرو ڪندي لکيو: “جاويد اختر جهڙو نه بڻج.” هن جاويد اختر کي “بدتميز” ۽ “بدصورت” قرار ڏنو.
بعد ۾ لڪي علي وضاحت ڪندي چيو ته هن جو مطلب تڪبر کي بدصورتي قرار ڏيڻ هو، پر طنزيه انداز ۾ وڌيڪ لکيو: “شيطانن جا به جذبات ٿي سگهن ٿا، جيڪڏهن ڪنهن جي شيطانيت کي تڪليف پهتي هجي ته مان معذرت خواهان آهيان.”
لڪي علي جو بيان سوشل ميڊيا تي وائرل ٿي ويو آهي، جتي جاويد اختر جي ناقدن طرفان گلوڪار جي حمايت ڪئي پئي وڃي، جڏهن ته جاويد اختر تي سخت تنقيد جاري آهي.
ياد رهي ته جاويد اختر پاڻ کي ترقي پسند چوندو آهي، پر سندس ڪيترائي بيان مسلمان برادري ۽ پاڪستان خلاف تنقيد تي ٻڌل رهيا آهن. هڪ بيان ۾ هن چيو هو ته “جيڪڏهن مون کي دوزخ ۽ پاڪستان مان ڪنهن هڪ کي چونڊڻو پوي ته مان دوزخ کي ترجيح ڏيندس.”
