راولپنڊي (ويب ڊيسڪ) راولپنڊي پوليس طرفان سٽي ٿاڻي جي علائقي گوالمنڊي ۾ شهري کي برهنه ڪري تشدد ڪرڻ واري واقعي تي رات دير تائين ڪريڪ ڊائون ڪندي مک جوابدار جنيد عرف جيدا سميت 6 جوابدارن کي گرفتار ڪري ورتو.
پوليس ترجمان موجب، واقعي جي وڊيو منظر عام تي اچڻ بعد سي پي او سيد خالد همداني جي هدايت تي سٽي پوليس حرڪت ۾ آئي ۽ گوالمنڊي ۾ ڪريڪ ڊائون ڪندي تشدد ۾ ملوث جوابدارن کي تحويل ۾ ورتو. ترجمان ٻڌايو ته واقعي بابت ڪا به شڪايت داخل نه ڪرائي وئي هئي، پر وڊيو جي بنياد تي پوليس پاڻ مدعي بڻجي ڪيس داخل ڪيو ۽ مک جوابدار کي فوري طور گرفتار ڪيو.
سي پي او واضح ڪيو ته ڪنهن به شهري تي تشدد ناقابل برداشت آهي، ۽ تشدد ۾ ملوث ڪوبه فرد قانون جي گرفت کان بچي نه سگهندو. جوابدارن کي قانون جي ڪٽهڙي ۾ آندو ويندو.
پوليس ذريعن موجب، وڊيو ذريعي سڃاڻپ ٿيل 6 جوابدارن کي گرفتار ڪيو ويو آهي، جن ۾ جنيد عرف جيدا، روحيل، ياسر خان، فيصل مسيح ۽ ثمر عباس شامل آهن، جڏهن ته ٻين جوابدارن جي گرفتاري لاءِ ڇاپا جاري آهن.
