ٿائي لينڊ جي بادشاهه مهه وجيرا لونگڪورن جي والدہ ۽ اڳوڻي ملڪا سرڪت 93 ورهين جي عمر ۾ بينڪاڪ جي اسپتال ۾ لاڏاڻو ڪري وئي.
ملڪا سرڪت پنهنجي دور ۾ فیشن، وقار ۽ حسن جي علامت طور سڃاتي ويندي هئي. عالمي سطح تي “بهترين لباس” پائيندڙ شخصيتن جي فهرست ۾ شامل رهندي هئي، جنهن سبب کيس “بيوٽي ڪوئن” جو لقب به مليو.
12 آگسٽ تي سندس سالگره ٿائي لينڊ ۾ مدرز ڊي طور ملهايو ويندو آهي، ڇو ته کيس “قوم جي ماءُ” جي حيثيت حاصل هئي.
2012ع ۾ فالج جي حملي کانپوءِ هو عوامي تقريبن ۾ گهٽ نظر اچڻ لڳي2019ع کان مختلف بيمارين ۾ مبتلا هئي، ۽ هن مهيني کيس خون جي انفڪشن به ٿيو، جنهن سبب سندس حالت بگڙي وئي.
ملڪا سرڪت، بادشاهه ڀومي بول ادولياديج جي زال رهي، جيڪو ٿائي تاريخ جو سڀ کان ڊگهو حڪمران هو. سندن شادي 28 اپريل 1950ع تي ٿي، جڏهن بادشاهه کي تخت تي ويهاريو ويو هو.
نوجوان جوڙي طور، هو 1960ع جي ڏهاڪي ۾ دنيا جي دورن تي نڪتا، جتي آمريڪي صدر ڊوائٽ آئزن هاور، ملڪا الزبتھ ٻيون، ۽ گلوڪار ايلوس پريسلي سان ملاقاتون ڪيون.
شاهي محل موجب، بادشاهه وجيرا لونگڪورن جي هدايت تي ملڪا سرڪت جي آخري رسمن کي شاهي انداز سان ادا ڪيو ويندو. سندس جسد گرينڊ پيلس جي دُسِت ٿرون هال ۾ رکيو ويندو، جتي عوام ۽ شاهي خاندان جا فرد تعزيت لاءِ ايندا.
ٿائي شاهي خاندان جي سڀني ميمبرن طرفان هڪ ساله قومي سوگ جو اعلان ڪيو ويو آهي، جتي جهنڊا اڌ اونچائي تي، شاديون ۽ تفريحي تقريبون بند رهنديون.
