ڪراچي (شوبز رپورٽ) پاڪستان جو مشهور پاپ ڳائڪ عاصم اظهر انسٽاگرام تي اوچتو “خدا حافظ” جو پيغام شيئر ڪري، پنهنجي سڄي پروفائل مان تصويرون ۽ وڊيوز ختم ڪري ڇڏيون آهن۔
هن اوچتي قدم بعد، مداحن ۾ شديد پريشاني ۽ تجسس پيدا ٿي ويو آهي، جتي ڪيترائي چاهيندڙ سوشل ميڊيا تي عاصم اظهر لاءِ فڪر ۽ دعائون ظاهر ڪري رهيا آهن۔
ڪي مداحن جو خيال آهي ته شايد اهو ڪنهن نئين ميوزڪ پروجيڪٽ يا ڪمپين جو حصو هجي، جڏهنته ڪجهه ماڻهن ان کي ذاتي سببن سان ڳنڍي رهيا آهن۔
في الحال، عاصم اظهر طرفان ڪنهن به قسم جو وضاحتي بيان جاري نه ڪيو ويو آهي۔
