ڪراچي (ويب ڊيسڪ) ڪراچي ٽريفڪ پوليس پاران اي-چالان نظام جي باضابطه شروعات کانپوءِ ٽريفڪ قانون جي ڀڃڪڙين تي مؤثر ڪارروائيون شروع ڪيون ويون آهن، جن جي نتيجي ۾ مجموعي طور 2,662 اليڪٽرانڪ چالان جاري ڪيا ويا.
رپورٽ موجب، مختلف ٽريفڪ خلاف ورزين تي هيٺيان چالان جاري ٿيا:
- اوور اسپيڊنگ: 419
- لين لائن جي ڀڃڪڙي: 3
- اسٽاپ لائن جي ڀڃڪڙي : 4
- سيٽ بيلٽ نه ٻڌڻ تي: 1,535
- ريڊ لائيٽ ڪراس ڪرڻ تي : 166
- هيلمٽ کانسواءِ موٽرسائيڪل هلائڻ تي: 507
- ڪارا شيشا لڳائڻ تي: 7
- غلط پارڪنگ تي: 5
- نو پارڪنگ زون ۾ گاڏي بيهارڻ تي: 5
- موبائل فون استعمال ڪرڻ تي: 32
- رونگ وي تي هلڻ تي: 3
افتتاحي ڏينهن تي سسٽم جي ٽيڪنيڪل بهتري لاءِ ڪم جاري رهيو، جنهن بعد اي- چالان نظام مڪمل طور تي فعال ڪيو ويو.
ڊي آءِ جي ٽريفڪ سيد پير محمد شاهه چيو ته هي نظام شهرين ۾ قانون جي پاسداري کي يقيني بڻائڻ ۽ نگراني کي مؤثر بڻائڻ لاءِ هڪ اهم قدم آهي. هن شهرين کي اپيل ڪئي ته ٽريفڪ قانونن جي پوري پاسداري ڪن ته جيئن شهر جو ٽريفڪ نظام بهتر ٿئي ۽ حادثن ۾ گهٽتائي اچي.
عوامي سهڪار سان هي نظام وڌيڪ بهتر بڻائڻ جي ڪوشش جاري آهي.
