اسلام آباد(ويب ڊيسڪ) اليڪشن ڪميشن آف پاڪستان طرفان پارٽي اندروني چونڊون (انٽرا پارٽي اليڪشنز) نه ڪرائڻ تي ٽي سياسي پارٽين کي نوٽيس جاري ڪيا ويا آهن.
اليڪشن ڪميشن جي ترجمان موجب، جن پارٽين کي نوٽيس مليا آهن، انهن ۾ نيشنل فرنٽ پاڪستان، عام لوگ اتحاد ۽ پاڪستان هيومن پارٽي شامل آهن. نوٽيسز اليڪشن ڪميشن جي ڪانفيڊنشل وِنگ طرفان تيار ڪيل ڪيس جي بنياد تي جاري ڪيا ويا.
ڪميشن موجب، چار نومبر تي انهن پارٽين خلاف ٻڌڻي مقرر ڪئي وئي آهي، جتي انهن کان وضاحت طلب ڪئي ويندي ته ڇو نه انهن پارٽين اندروني چونڊون مقرر وقت تي نه ڪرايون.
واضح رهي ته اليڪشن ڪميشن جي ضابطن تحت، هر رجسٽرڊ سياسي پارٽين لاءِ لازمي آهي ته هو مقرر ڪيل وقت اندر پارٽي اندروني چونڊون ڪرائي، جن جي رپورٽ اليڪشن ڪميشن وٽ جمع ڪرائي وڃي. ان عمل جي غير حاضري تي قانوني ڪارروائي عمل ۾ آندي وڃي ٿي.
