اسلام آباد (ويب ڊيسڪ) ڀارتي ميڊيا طرفان بالي ووڊ اداڪار سلمان خان بابت اها دعويٰ ڪئي وئي ته پاڪستان کيس دهشتگردن جي فهرست ۾ شامل ڪري ڇڏيو آهي، پر جاچ کان پوءِ اهو الزام سراسر ڪوڙو ۽ پروپيگنڊا ثابت ٿيو.
ڀارتي ميڊيا موجب، سلمان خان سعودي عرب جي شهر رياض ۾ جواءِ فورم 2025 دوران بلوچستان جو ذڪر ڪيو، جنهن کي بنياد بڻائي دعويٰ ڪئي وئي ته پاڪستان کيس انسداد دهشتگردي ايڪٽ (ATA) جي فورتھ شيڊول ۾ شامل ڪري ڇڏيو آهي.
ميڊيا رپورٽن ۾ هڪ مبينا سرڪاري نوٽيفڪيشن جو حوالو ڏنو ويو، جيڪو مبينا طور محڪمو داخلا بلوچستان طرفان 16 آڪٽوبر 2025 تي جاري ٿيو هو. پر جڏهن پاڪستاني ميڊيا ادارن ان دستاويز جو جائزو ورتو ته ان ۾ ڪيترائي تضاد سامهون آيا.
– نوٽيفڪيشن جو اجرا نمبر اڳ ۾ ئي هڪ ٻي تصديق ٿيل دستاويز تي موجود هو، جيڪو شالے بلوچ نالي شخص 21 آڪٽوبر تي سوشل ميڊيا تي شيئر ڪيو هو.
نوٽيفڪيشن جي تاريخ 16 آڪٽوبر درج هئي، جڏهن ته سلمان خان 17 آڪٽوبر تي فورم ۾ شرڪت ڪئي.
دستاويز جو فارميٽ، فونٽ، الائنمينٽ، ولديت جو خانہ ۽ شناختي ڪارڊ نمبر به سرڪاري معيار سان مطابقت نه رکندا هئا.
– “بلوچستان” جي املا ۾ به غلطي هئي، ۽ دستخط به ساڳيا هئا جيڪي اڳ ۾ شيئر ڪيل دستاويز تي موجود هئا، جنهن مان ظاهر ٿيو ته اها فائيل ڊيجيٽل ايڊيٽنگ ذريعي جعلي طور تي تيار ڪئي وئي.
پاڪستاني انٽيليجنس ذريعن ۽ بلوچستان جي گهرو کاتي واضح ڪيو آهي ته اهڙو ڪو به نوٽيفڪيشن جاري نه ٿيو آهي، ۽ ڀارتي ميڊيا جو دعويٰ من گهڙت ۽ بي بنياد آهي.
سلمان خان جي بيان بابت به وضاحت ڪئي وئي ته هن صرف ايترو چيو هو:
هتي بلوچستان، افغانستان ۽ پاڪستان مان ماڻهو ڪم ڪري رهيا آهن، ان ڪري فلمون فوراً هٽ ٿي وڃن ٿيون.
