ڪراچي (ويب ڊيسڪ) ڪراچي ٽريفڪ پوليس طرفان گذريل 24 ڪلاڪن دوران ٽريفڪ قانون جي ڀڃڪڙي تي 5791 اليڪٽرانڪ چالان جاري ڪيا ويا، جنهن بعد گذريل 4 ڏينهن ۾ مجموعي طور 18,733 چالان جاري ٿي چڪا آهن.
ٽريفڪ پوليس جي رپورٽ موجب، سيٽ بيلٽ نه لڳائڻ تي سڀ کان وڌيڪ 3546 چالان ڪيا ويا، جڏهن ته بغير هيلمٽ موٽر سائيڪل هلائڻ تي 1555 چالان جاري ٿيا. ان کان علاوه:
– ريڊ لائيٽ جي ڀڃڪڙي: 325 چالان
– موبائل فون استعمال ڪرڻ دوران ڊرائيونگ: 166 چالان
– اوور اسپيڊنگ: 65 چالان
– ڪارا شيشا: 40 چالان
– نو پارڪنگ: 19 چالان
– رانگ وي: 13 چالان
– اوور لوڊنگ: 9 چالان
– غير ضروري لوڊ: 6 چالان
ترجمان موجب، اليڪٽرانڪ چالان جو نظام شهرين ۾ قانون جي پاسداري کي يقيني بڻائڻ ۽ نگراني کي مؤثر بڻائڻ لاءِ هڪ اهم قدم آهي. عوامي تعاون سان هن نظام کي وڌيڪ بهتر بڻايو پيو وڃي.
ٽريفڪ پوليس طرفان شهرين کي اپيل ڪئي وئي آهي ته ٽريفڪ قانونن جي مڪمل پاسداري ڪن ته جيئن شهر ۾ ٽريفڪ جو نظام بهتر ٿئي ۽ حادثن ۾ گهٽتائي آڻي سگهجي.
