اسلام آباد (ويب ڊيسڪ) پاڪستان ۾ غير قانوني طور تي رهندڙ افغان شهرين جي واپسي لاءِ طورخم سرحد 20 ڏينهن بعد جزوي طور تي کوليو ويو آهي. سرڪاري اختيارين موجب، هي قدم افغان پناهگيرن جي واپسي جي عمل کي جاري رکڻ لاءِ کنيو ويو آهي.
ضلعي خيبر جي ڊپٽي ڪمشنر بلال شاهد ٻڌايو ته سرحد صرف افغان شهرين جي واپسي لاءِ کوليو ويو آهي، جڏهن ته واپار ۽ عام آمدورفت تاحڪمِ ثاني بند رهندي. طورخم امیگریشن سينٽر تي سوين افغان شهري پهچي چڪا آهن، جتي دستاويزي ڪارروائي بعد انهن کي وطن واپس وڃڻ جي اجازت ڏني پئي وڃي.
حڪام جو چوڻ آهي ته تجارتي سرگرمين ۽ عام ماڻهن جي اچ وڃ جي مڪمل بحالي بابت اڃا تائين ڪو حتمي فيصلو نه ٿيو آهي. ياد رهي ته 11 آڪٽوبر تي پاڪ افغان تڪرار سبب طورخم سرحد مڪمل طور بند ڪئي وئي هئي، جيڪا هاڻ صرف واپسي جي مقصد لاءِ جزوي طور تي بحال ڪئي وئي آهي.
ٻئي طرف، يو اين ايڇ سي آر جي ترجمان قيصر خان آفريدي موجب، 8 آڪٽوبر تائين 6 لک 15 هزار غير قانوني افغان شهرين کي طورخم جي رستي وطن واپس موڪليو ويو آهي، ۽ واپسي جو سلسلو جاري آهي.
