دبئي (ويب ڊيسڪ) انٽرنيشنل ڪرڪيٽ ڪائونسل (آءِ سي سي) طرفان ويمنز ورلڊڪپ 2025 جي ٽيم آف دي ٽورنامنٽ جو اعلان ڪيو ويو، جنهن ۾ پاڪستان جي وڪيٽ ڪيپر سدره نواز کي شاندار ڪارڪردگي جي بنياد تي شامل ڪيو ويو آهي. سدره نواز وڪيٽن جي پويان بهترين ڪارڪردگي ڏيکاري، جنهن سبب عالمي سطح تي سندس چونڊ ڪئي وئي.
فائنل ۾ شرڪت ڪندڙ ٽيمون جي ڇهن رانديگرن کي ٽيم ۾ جاءِ ملي، جن مان ٽي ڀارت ۽ ٽي ڏکڻ آفريڪا سان تعلق رکن ٿيون. آسٽريليا جي به ٽي رانديگرن کي چونڊيو ويو. انگلينڊ جي صوفي ايڪلسٽن کي ٽيم جو حصو بڻايو ويو، جڏهن ته نيٽ اسڪيور برنٽ کي 12هين رانديگر طور شامل ڪيو ويو.
سدره نواز جي چونڊ پاڪستان لاءِ فخر جو لمحو آهي، جنهن نه صرف پنهنجي صلاحيتن جو لوها مڃرايو، پر پاڪستاني ويمنز ڪرڪيٽ جي نمائندگي کي عالمي سطح تي اجاگر ڪيو. مداح اميد ڪري رهيا آهن ته مستقبل ۾ پاڪستاني رانديگر وڌيڪ اهڙا اعزاز حاصل ڪندا.
