ڪراچي(ويب ڊيسڪ) بلديه حب ريور روڊ تي شارجہ مارڪيٽ جي ويجهو تيز رفتار مسافر ڪوچ ڊرائيور جي ڪنٽرول مان نڪري وئي، موٽر سائيڪل سوار ٻن سگن ڀائرن علي شاهه (17) ۽ دانيال (15) جي موت ٿي وئي، جڏهن ته سندن ماءُ سائرہ زخمي ٿي پئي۔
حادثي ۾ مسافر ڪوچ ۾ سوار 11 ڄڻا پڻ زخمي ٿيا، جن کي پوليس ۽ فلاح ادارن جي رضاڪارن سول اسپتال منتقل ڪيو۔
سائرہ موجب، هوءَ پنهنجي ٻارن سان موٽر سائيڪل تي نيول ڪالوني وڃي رهي هئي ته اچانڪ ڪوچ سندن موٽر سائيڪل تي اچي ڪري، جنهن سبب سندس هٿ ٽٽي پيو ۽ ٻئي پٽ فوت ٿي ويا۔
حادثي کان پوءِ ٽريفڪ جي رواني متاثر ٿي، پر پوليس جلد ئي صورتحال تي قابو آڻي ورتو۔
زخمين ۾ عاشق خان، سعيد احمد، شعيب، عبدالباسل، محمد ڪمال، سليم، زينت، عقيلي، مسافر خان، مقصود ۽ هڪ اڻڄاتل 30 ورهين جو شخص شامل آهن۔
ايس ايڇ او سعيد آباد پرويز سولنگي موجب، ڊرائيور جي حالت بابت اڃا معلومات نه ملي سگهي آهي، پوليس جاچ جاري رکي آهي۔
