اسلام آباد: افغانستان جي طرفان چمن بارڊر تي هڪ ڀيرو ٻيهر سيز فائر جي ڀڃڪڙي ڪندي پاڪستاني پوسٽن تي بلااشتعال فائرنگ ڪئي وئي، جنهن تي پاڪستاني فورسز طرفان فوري ۽ ذميوار جواب ڏنو ويو۔
اطلاعات واري وزارت موجب، فائرنگ افغان طرفان شروع ڪئي وئي، جنهن بعد پاڪستاني فورسز صورتحال تي قابو آڻي ورتو ۽ جنگبندي برقرار رهي۔
حڪومت افغان دعوائن کي سختي سان رد ڪندي چيو آهي ته پاڪستان سرحدي نظم و ضبط، امن ۽ استحڪام لاءِ پرعزم آهي ۽ پنهنجي علائقائي سالميت ۽ شهرين جي تحفظ لاءِ هر ضروري قدم کنيو ويندو۔
وزارت اطلاعات و نشريات جو چوڻ آهي ته پاڪستان جاري ڳالهين لاءِ پرعزم آهي ۽ افغان اختيارين سان باهمي تعاون جي اميد رکي ٿو۔
واضح رهي ته استنبول ۾ پاڪستان ۽ افغان طالبان حڪومت وچ ۾ ڳالهين جو ٽيون دور جاري آهي۔
