وانا (ويب ڊيسڪ) – ڪيڊٽ ڪاليج وانا تي ٿيل دهشتگرد حملي بابت سنسني خيز انڪشاف سامهون آيا آهن، جتي سيڪيورٽي ذريعن موجب سڀئي حملي آور افغان شهري هئا، جن کي افغانستان مان هدايتون ملي رهيون هيون.
- حملي جي منصوبابندي افغانستان ۾ “خارجي زاهد” ڪئي، جڏهن ته ان کي مڪمل ڪرڻ جو حڪم خارجي نور ولي محسود ڏنو.
- دهشتگرد تنظيم “جيش الھند” جي نالي سان ذميواري قبول ڪئي وئي، جڏهن ته حقيقت ۾ ان جو تعلق فتنہ الخوارج (ٽي ٽي پي) سان هو.
- سيڪيورٽي ذريعن موجب، افغان طالبان جي دٻاءَ سبب دهشتگردن کي پنهنجي اصل سڃاڻپ لڪائڻ لاءِ جعلي نالي سان وڊيو جاري ڪرڻي پئي.
- حملي دوران ٺاهيل وڊيو ۽ آڊيو ۾ دهشتگرد اردو ۾ ڳالهائيندي بار بار “جيش الهند” جو نالو وٺي رهيا هئا ته جيئن سندن اصل سڃاڻپ ظاهر نه ٿئي.
- حملي لاءِ استعمال ٿيل سمورو سامان افغانستان مان آندو ويو، جنهن ۾ آمريڪي ساخت جا هٿيار به شامل هئا.
- سيڪيورٽي ادارن جو چوڻ آهي ته حملي جو مقصد پاڪستان ۾ سيڪيورٽي خدشن کي وڌائڻ هو، جيڪو ڀارتي ايجنسي را جي ڊيمانڊ تي ڪيو ويو.
- حملي ۾ مارجي ويل دهشتگردن جي افغان شهريت جي تصديق سان شڪ ختم ٿي ويا آهن.
- حڪومت نيشل ايڪشن پلان ۽ “عزمِ استحڪام” جي تحت آخري دهشتگرد جي خاتمي تائين آپريشن جاري رکڻ جو عزم ورجايو آهي.
اهو حملو نه رڳو پاڪستان جي سلامتي لاءِ چئلينج هو، پر خطي ۾ دهشتگردي جي نئين حڪمت عمليءَ جي نشاندهي به ڪري ٿو.
