اسلام آباد (ويب ڊيسڪ) سپريم ڪورٽ جي آئيني بينچ جي سربراهه جسٽس امين الدين خان کي نئين قائم ٿيندڙ آئيني عدالت جو چيف جسٽس مقرر ڪرڻ جو امڪان ظاهر ڪيو ويو آهي.
ذريعن موجب، چيف جسٽس يحيٰ آفريدي طرفان جسٽس امين الدين خان جي اعزاز ۾ آجياڻي جو بندوبست ڪيو ويو آهي، جيڪو سڀاڻي چيف جسٽس هائوس ۾ ٿيندو، جتي سپريم ڪورٽ جا جج به شرڪت ڪندا.
واضح رهي ته جسٽس امين الدين خان 30 نومبر تي سپريم ڪورٽ مان ريٽائر ٿي رهيو آهي، پر آئيني عدالت جي سربراهه بڻجڻ جي صورت ۾ سندس عهدي جي مدي ۾ واڌ ٿي سگهي ٿي.
ياد رهي ته 27هين آئيني ترميم تحت سپريم ڪورٽ جي آئيني بينچ جي جاءِ تي آئيني عدالت جو قيام عمل ۾ آندو پيو وڃي، جنهن لاءِ نئين قانون سازي ۽ عدالتي ڍانچي تي ڪم جاري آهي.
