اسلام آباد – سپريم ڪورٽ جي ٻن سينئر ججن جسٽس منصور علي شاهه ۽ جسٽس اطهر من الله پنهنجي عهدن تان استعيفيٰ ڏئي ڇڏي آهي. ذريعن موجب، هي قدم 27هين آئيني ترميم جي منظوري کان پوءِ سامهون آيو، جنهن تحت سپريم ڪورٽ جي ججن کي نئين قائم ٿيندڙ آئيني عدالت ۾ مقرري لاءِ پابند ڪيو ويو آهي، ۽ انڪار جي صورت ۾ ريٽائر تصور ڪيو ويندو.
ترميمي آرٽيڪل 206 جي تحت، جيڪڏهن ڪو جج آئيني عدالت ۾ مقرري کان انڪار ڪري، ته هو پاڻمرادو عهدو ڇڏيندڙ سمجهيو ويندو. ان ئي بنياد تي ٻنهي ججن استعيفيٰ پيش ڪئي، جڏهن کين نئين عدالت ۾ مقرري جي آڇ ڪئي وئي.
ان کان اڳ، ٻنهي ججن چيف جسٽس يحيیٰ آفريدي کي خط لکي آئيني ترميم بابت تحفظات جو اظهار ڪيو هو. جسٽس اطهر من الله پنهنجي خط ۾ لکيو هو ته “سچ صرف چانهن جي هوٽلن تي سرگوشين تائين محدود آهي” ۽ عدليه کي عوامي اعتماد جي بحالي لاءِ جرئت ڏيکارڻ گهرجي.
هي استعيفائون سپريم ڪورٽ ۾ جاري فل ڪورٽ اجلاس جي پسمنظر ۾ سامهون آيون آهن، جتي 27هين ترميم جي آئيني اثرن تي غور ڪيو پيو وڃي. عدليه جي اندر اختلافن جي شدت سان گڏ، استعيفائن سان صورتحال وڌيڪ ڳڻتي جوڳي بڻجي وئي آهي.
