سري نگر (ويب ڊييسڪ) والاريل ڪشمير جي گاديءَ واري هنڌ سري نگر ۾ پوليس اسٽيشن جي اڱڻ ۾ زوردار ڌماڪو ٿيو، جنهن جي نتيجي ۾ 9 ڄڻا فوت ٿي ويا ۽ 13 کان وڌيڪ ماڻهو زخمي ٿيا.
ڀارتي ميڊيا جي رپورٽن موجب ڌماڪي کان پوءِ پوليس اسٽيشن ۾ باهه لڳي وئي، جنهن سبب ڪيترين ئي گاڏين کي نقصان پهتو. ابتدائي جاچ مان معلوم ٿيو آهي ته ڌماڪو ضبط ڪيل امونيم نائٽريٽ جي ڦاٽڻ سبب ٿيو.
واقعي کان پوءِ عمارت جو ڪجهه حصو سخت متاثر ٿيو آهي، جڏهن ته اختيارين طرفان خدشو ظاهر ڪيو ويو آهي ته فوتين جو انگ وڌي سگهي ٿو.
ياد رهي ته ڪجهه ڏينهن اڳ ڀارتي راڄڌاني نئين دهلي ۾ به ڌماڪو ٿيو هو، جيڪو لال قلعو ميٽرو اسٽيشن جي گيٽ نمبر 1 ڀرسان بيٺل گاڏي ۾ ٿيو. ان واقعي ۾ 12 ڄڻا فوت ۽ گهٽ ۾ گهٽ 20 زخمي ٿيا هئا.
