سکر (بيورو رپورٽ) سنڌ هاءِ ڪورٽ طلبي باوجود پيش نه ٿيڻ ڪوٽڏيجي ٽائون ڪميٽي جي چيئرمين ڏنل ٽالپر جا گرفتاري وارنٽ جاري ڪندي کيس گرفتار ڪري 11 جون تي پيش ڪرڻ جو حڪم ڏئي ڇڏيو. سنڌ هاءِ ڪورٽ سکر بئنچ طرفان ڪوٽڏيجي ٽائون ڪميٽي جي ٻن ملازمن کي پگهارون جاري نه ٿيڻ خلاف درخواست تي ٻڌڻيءَ دوران ڪاوڙ جو اظهار ڪيو. ٽائون ڪاميٽي ڪوٽڏيجي جي ٻن ملازمن پاران چئن مهينن جو پگهارون نه ملڻ خلاف سنڌهاءِ ڪورٽ سکر ۾ درخواست داخل ڪرائي هئي. سنڌ هاءِ ڪورٽ سکر بئنچ جي جسٽس شمس الدين عباسي ۽ جسٽس امجد علي سهتو تي ٻڌل ٻه رڪني بئنچ درخواستن تي ٻڌڻي ڪئي. عدالت پڇاڻو ڪيو ته ٽائون ڪاميٽي چئرمين پيش ڇو ناهي ٿيو، پيش نه ٿيڻ تي پهريان به شوڪاز ڏنو پوءِ به پيش ناهي ٿيو ڇا ايڊيشنل ايڊووڪيٽ اوهان کيس نوٽيس بابت ٻڌايو هو.؟ ايڊيشنل ايڊووڪيٽ جنرل سکر شفيع محمد چانڊيو چيو ته عدالتي حڪم بابت ٽائون ڪاميٽي چئرمين مير ڏنل ٽالپر کي نوٽيس بابت آگاهه ڪيو هو. عدالت پوليس کي حڪم ڏنو ته مير ڏنل ٽالپر کي گرفتار ڪري 11 جون تي پيش ڪيو وڃي.
ڪوٽڏيجي ٽائون ڪميٽي چيئرمين جا گرفتاري وارنٽ جاري
Subscribe
By commenting on this post, you agree to the Terms of Service. This is a written agreement that can be withdrawn when you express your consent to interact with any part of this site.
