لاهور (ويب ڊيسڪ) پاڪستان مسلم ليگ (ن) جو صدر ۽ اڳوڻو وزيراعظم ميان محمد نواز شريف اڄ ٻيهر لنڊن روانو ٿي ويو. هو جاتي امرا رائيونڊ مان لاهور ايئرپورٽ پهتو، جتان هو هڪ غير ملڪي ايئر لائن جي ذريعي لنڊن لاءِ روانو ٿيو.
ذريعن موجب، نواز شريف جو هي دورو بنيادي طور تي طبي معائني لاءِ آهي، جتي هو لڳ ڀڳ ٻن هفتن تائين ترسيل رهندو. سندس روانگي جي موقعي تي ويجها ساٿي ۽ گهروارا ايئرپورٽ تي موجود هئا جن کيس الوداع چيو.
سياسي حلقن ۾ نواز شريف جي ٻيهر پرڏيهه روانگي تي تبصرا جاري آهن، پر ذريعن جو چوڻ آهي ته هن سفر جو مقصد صرف صحت جي سار سنڀال آهي ۽ ان جو ڪنهن به سياسي ايجنڊا سان تعلق ناهي.
