حيدرآباد(بيورو رپورٽ) حيدرآباد ۾ ڌماڪيدار مادو ٺاهيندڙ ڪارخاني ۾ ڌماڪو، 4 ڄڻا مارجي ويا، 5 ڄڻا زخمي ٿي پيا.
ٻڌايو پيو وڃي ته لطيف آباد نمبر 10 علائقي ۾ واقع هڪ ڪارخاني ۾ ڌماڪي کان پوءِ باهه لڳي وئي، جنهن جي نتيجي ۾ 4 مزدور فوت ۽ 5 زخمي ٿي پيا.
ڌماڪي دوران ڀرپاسي جا گهر لڏي ويا. سڄي فيڪٽري کي باهه لڳي وئي. اطلاع ملندي ئي فائربرگيڊ جون گاڏيون پهچي ويون. جن باهه تي ضابطو آندو. ڌماڪي ۾ 5 مزدور
فوت ٿي ويا. 4 مزدور زخمي ٿيا آهن.
فوتين جا لاش ۽ زخمين کي اسپتال منتقل ڪيو ويو. هوڏانهن سنڌ جي وڏي وزير مراد علي شاهه، حيدرآباد فيڪٽري ڌماڪي جو نوٽيس وٺندي، زخمي مزدورن کي فوري ۽ بهترين طبي امداد فراهم ڪرڻ جي هدايت ڪئي آهي ۽ واقعي جي فوري رپورٽ پڻ طلب ڪئي آهي.
