نئين دهلي(ويب ڊيسڪ) ڀارتي آرمي چيف جي تازن بيانن ۾ تڪراري ۽ ذهني انتشار جو واضح ثبوت مليو آهي، جنهن سان ڀارتي عسڪري قيادت جي سخت وائڙائپ سامهون اچي وئي آهي۔
معرڪي حق ۾ بدترين ناڪامي ۽ عالمي سطح تي شرمدگي ڀارتي سياسي ۽ فوجي قيادت کي سخت دٻاءُ هيٺ آڻي ڇڏيو آهي۔ فوجي ڪمزوريون، ناڪام آپريشنل ڪارڪردگي ۽ اتمانڀر ڀارت جي دعوائن جي ناڪامي ڀارتي دفاعي ڍانچي کي لاغر ثابت ڪري چڪي آهي۔
مودي سرڪار جي هندو توا واري سياسي سوچ عسڪري قيادت تي غيرمعمولي دٻاءُ وڌو آهي، جتي فوجي سربراهه فلمي انداز جا بيان ڏئي پاڻ کي مهاتما ثابت ڪرڻ جي ڪوشش ڪري رهيا آهن۔ ڪڏهن ٽن مهينن بعد ست جهاز ڪيرائڻ جو دعويٰ ڪئي وڃي ٿي ته ڪڏهن دهشتگردن جا ٺڪاڻا تباهه ڪرڻ جو اعلان ڪيو وڃي ٿو۔
انهيءَ سلسلي ۾ ڀارتي آرمي چيف هڪ ٻيو تڪراري ۽ مونجهاري وارو بيان ڏئي صورتحال کي وڌيڪ کل جوڳو بڻائي ڇڏيو۔ هڪ طرف دعويٰ آهي ته “هندستان ڪجهه هٿيار استعمال ڪري پاڪستان کي گوڏا کوڙڻ تي مجبور ڪيو”، ٻي طرف اعتراف آهي ته “اها جنگ کٽڻ لاءِ وڌيڪ هٿيار خريدڻا پوندا”۔
چانڪيا ڊيفنس ڊائلاگ ۾ جنرل اوپيندر دويدي جو ڌمڪي وارو پر ڪمزور بيان به انهيءَ وائڙائپ جو عڪس آهي، جتي هو پاڻ اعتراف ڪن ٿا ته: “آپريشن سندور ۾ رڳو ٽريلر ڏيکاريو ويو، فلم ته اڃا شروع به نه ٿي آهي”۔ ساڳئي وقت هو پنهنجي فوجي ڪمزورين کي ظاهر ڪندي چون ٿا: “ڇا اسان وٽ ڊگهي جنگ لاءِ ڪافي سامان ۽ هٿيار آهن؟ جيڪڏهن نه ته فوري تياري جي ضرورت آهي”۔
اهي اعتراف ڀارتي فوج جي ڪمزور پيشه ورانه صلاحيت، نااهل سياسي قيادت ۽ ناڪام دفاعي منصوبابندي جا جيئرا ثبوت آهن، ۽ اهو به ظاهر ڪن ٿا ته ڀارتي عسڪري قيادت هن وقت پاليسي، حڪمت عملي ۽ تياري جي هر محاذ تي شديد ذهني پريشاني جو شڪار آهي.
