دبئي)ويب ڊيسڪ) دبئي ۾ هلندڙ انٽرنيشنل ايئرشو دوران ڀارت جو جنگي جهاز تيجس فضائي ڪرتب ڏيکاريندي ڪري تباهه ٿي ويو، جنهن ۾ پائلٽ مارجي ويو. حادثي سبب ڀارتي فضائيه کي ٻيهر عالمي سطح تي شرمندگي جو منهن ڏسڻو پيو.
عالمي خبر ايجنسي موجب ايئرشو ۾ مختلف ملڪن جا جهاز ۽ اوزار پيش ڪيا ويا. شو جي آخري ڏينهن تي حادثو پيش آيو، جنهن کان پوءِ فوري طور ريسڪيو آپريشن شروع ڪيو ويو.
ابتدائي رپورٽ ۾ ٻڌايو ويو آهي ته جهاز فني خرابي سبب تباهه ٿيو. حادثي کان پوءِ ايئرشو عارضي طور معطل ڪيو ويو. ڪجهه ڏينهن اڳ به تيجس جهاز ۾ آئل ليڪ ٿيڻ جي وڊيو سامهون آئي هئي.
ڀارتي ميڊيا مطابق ڀارتي فضائيه حادثي ۽ پائلٽ جي موت جي تصديق ڪري ڇڏي آهي. جهاز کي حادثو مقامي وقت مطابق 2:10 تي پيش آيو.
