اسلام آباد (ويب ڊيسڪ) وفاقي آئيني عدالت ۾ نئي گج ڊيم جي تعمير بابت ڪيس جي ٻڌڻي ٿي، جنهن ۾ عدالت واپڊا ۽ ڪنٽريڪٽر کي گڏجي ويهي حل ڳولڻ جي هدايت ڪئي.
ٻڌڻي جسٽس امين الدين خان جي سربراهي ۾ ٽن رڪني آئيني بئنچ ڪئي. واپڊا جي طرفان سلمان منصور پيش ٿيو ۽ موقف اختيار ڪيو ته ڪنٽريڪٽر معاهدي تي عمل نٿو ڪري، جنهن سبب منصوبي ۾ دير ٿي رهي آهي ۽ لاڳت به وڌي رهي آهي.
ٻڌڻي دوران جسٽس ارشد حسين چيو ته ٻنهي ڌرين کي گڏجي ويهي حل ڪڍڻ گهرجي. جسٽس امين الدين خان ٻڌايو ته ڪيس جي ٻڌڻي ٽن هفتن لاءِ ملتوي ڪئي پئي وڃي، ۽ جيڪڏهن ڳالهه ٻولهه ذريعي معاملو حل نه ٿيو ته پوءِ عدالت پاڻ فيصلو ڪندي.
