اسلام آباد(ويب ڊيسڪ) ايران جي سپريم نيشنل سيڪيورٽي ڪائونسل جو سيڪريٽري ڊاڪٽر علي لاريجاني پاڪستان جي هڪ غيرمعمولي ۽ تاريخي دوري تي اسلام آباد پهتو آهي، جيڪو ٻنهي برادر ملڪن جي مضبوط، آزمودہ ۽ ڊگهي عرصي کان قائم لاڳاپن کي نئين اسٽريٽجڪ مرحلي ۾ داخل ڪرڻ جي طرف هڪ اهم اڳڀرائي سمجهي وڃي ٿي۔
ايراني سفارتخاني جي بيان مطابق، بدلجندڙ عالمي حالتن، خطي جي صورتحال ۽ نون اسٽريٽجڪ گهرجن جي روشني ۾ پاڪستان ۽ ايران جي وچ ۾ تعاون کي وڌيڪ مضبوط، مربوط ۽ جديد بنيادن تي مضبوط ڪرڻ جي ضرورت اڳ کان وڌيڪ وڌي وئي آهي۔ ڊاڪٽر لاريجاني جو دورو وڏو قدم قرار ڏنو پيو وڃي۔
دوري دوران ٻنهي ملڪن جا وفد جامع ۽ نتيجن وارين ڳالهين ۾ شامل ٿيندا، جن ۾ سياسي لاڳاپا، سيڪيورٽي تعاون، سرحدي انتظام، دهشتگردي خلاف گڏيل حڪمت عملي، معاشي تعاون ۽ علائقائي استحڪام جا اهم موضوع شامل هوندا۔
هن اعليٰ سطح جي دوري کي ٻنهي ملڪن جي وچ ۾ وڌندڙ اعتماد، گڏيل مفادن ۽ خطي ۾ امن ۽ استحڪام لاءِ گڏيل ڪوششن جو عڪس قرار ڏنو پيو وڃي۔ ايران ۽ پاڪستان جي قيادت اميد ظاهر ڪئي آهي ته هي ملاقات مستقبل ۾ وڌيڪ ويجها لاڳاپا، گڏيل منصوبا ۽ اسٽريٽجڪ تعاون جو بنياد بڻجندي۔
